Krım körpüsünün zədələnməsi səfərbər edilmiş rusların müvəqqəti işğal olunmuş Krım vasitəsilə Zaporojyeyə və ya Xerson vilayətinin sol sahilinə köçürülməsini qeyri-mümkün edəcək.
AzerTimes xəbər verir ki, bunu ukraynalı hərbi ekspert Aleksandr Musienko deyib.
“Rusiya qoşunlarının Ukraynanın cənubundakı qruplaşdırılmasına verdiyi dəstəyin təxminən 75 faizi Krım körpüsü vasitəsilə həyata keçirilir. Bu partlayış indi belə bir köçürməni qeyri-mümkün edəcək. Ən azı rus qoşunlarının köçürülməsini ləngidəcək və gələcəkdə rus ordusunun cənubunda işğal olunmuş ərazilərdə daha çox problem yaşaması üçün ilkin şərtləri yaradacaq”, – o bildirib.