Kreml sözçüsü Dmitri Peskov RT telekanalının baş redaktoru Marqarita Simonyanın Sibir üzərində nüvə sınağı keçirilməsi təklifinə münasibət bildirib.
AzerTimes xəbər verir ki, Peskov bildirib ki, bu kimi müzakirələrin aparılması mümkün deyil.
“Rusiya nüvə sınağı rejimindən çıxmayıb və ona görə də belə diskussiyaların aparılmasının mümkünsüz olduğunu düşünürəm. Bir də unutmayaq ki, Simonyan Rusiya hakimiyyət orqanlarında işləmir və Moskvanın rəsmi mövqeyini əks etdirmir”, – deyə o bildirib.
Qeyd edək ki, M.Simonyan efirlərdən birində Sibir üzərində nüvə sınağı keçirməyi təklif edib və bildirib ki, bu – “nüvə ultimatumu” Ukrayna konfliktinin hərbi həlli üçün açar ola bilər.