Ermənistan inamla Qərbə doğru üz tutur. Paşinyan isə Moldovada seçkiləri gözləyir ki, daha sonra öz ölkəsində də eyni referendumu keçirə bilsin.
AzerTimes xəbər verir ki, bunu Rusiya xarici işlər nazirinin keçmiş müavini Andrey Fyodorov “Moskva-Bakı” portalına müsahibəsində deyib.
“Gürcüstandakı seçkilər də Cənubi Qafqazda vəziyyəti xeyli dəyişə bilər. Əgər Gürcüstanda qərbyönlü qüvvələr hakimiyyətə gəlsə (bu, təxminən 60 faiz ehtimaldır), o zaman Rusiya və Azərbaycanın regionda başqa vəzifələri olacaq. Onda bizim işlədiyimiz bütün müqavilələr tarixə düşəcək, çünki Cənubi Qafqazda Gürcüstan və Ermənistanın qərbyönlü birliyindən danışmaq olar.
Bundan əlavə, ABŞ Kamala Harrisin qalib gəlmə ehtimalı yüksək olan seçkilər gözlənilir. O zaman Trampın qələbə variantından fərqli olaraq nə Rusiya, nə də Azərbaycan üçün yaxşı heç nə gözləmək lazım deyil”, – Fyodorov bildirib.