Bəzi erməni tərəfdarları Azərbaycanın antiterror tədbirlərinin “qanunsuz” olduğunu, bəziləri isə Bakının xristianları soyqırım edəcəyini vəhşicəsinə proqnozlaşdırıblar. Bu iki dezinformasiya hekayəsi və onların əlavə komponentləri Azərbaycana qarşı NATO-nun rəhbərlik etdiyi Liviyaya bənzər müharibəyə haqq qazandırmaq məqsədi daşıyır.
Bu sözləri AzerTimes-a açıqlamasında amerikalı siyasi ekspert Endryu Koribko deyib.
“Heç kimin aldanmaması üçün baş verənlərlə bağlı faktlar bunlardır:
1. Qarabağ Azərbaycanın bir hissəsi kimi hamılıqla tanınır.
BMT-nin heç bir üzvü heç vaxt Qarabağda erməni separatçılarının özlərini “müstəqil” elan etdiklərini tanımayıb və bura Ermənistanın özü də daxildir. Əslində, BMT TŞ faktiki olaraq 1993-cü ildə Ermənistanı silahlı qüvvələrini Azərbaycan ərazisindən çıxarmağa çağıran dörd qətnamə qəbul edib. Müvafiq olaraq, Azərbaycanın öz antiterror tədbirlərini həyata keçirmək üçün tam haqqı var və heç bir aktor buna müdaxilə edə bilməz.
2. Azərbaycanın silahlarının çoxu Rusiyadan gəlir
Ətrafda dolaşan məşhur dezinformasiya hekayəsi iddia edir ki, Azərbaycan əsasən Türkiyə və yaxud İsrail tərəfindən silahlanıb, hər ikisi guya Qarabağın yerli xristian əhalisini ideoloji səbəblərə görə soyqırıma məruz qoymaq istəyir. Lakin Stokholm Sülh Araşdırmaları İnstitutu (SİPRİ) 2011-2020-ci ilə qədər onun silahlarının 60%-nin Rusiyadan gəldiyini sübut edib. Əgər Bakının bu dini qrupu məhv etmək istəməsi ilə bağlı narahatlıqlara hər hansı bir inanc olsaydı, o zaman Prezident Putin son on ildə Azərbaycana heç bir silah satışına icazə verməzdi.
3. Rusiyanın Ermənistan qarşısında yalnız qarşılıqlı müdafiə öhdəlikləri var
Bir çox insanın ağlına gələn başqa bir yanlış iddia isə Rusiyanın, KTMT-nin Ermənistan qarşısındakı qarşılıqlı müdafiə öhdəliklərinin Azərbaycanın hamılıqla tanınan Qarabağ bölgəsinə də şamil edildiyini düşünməkdir. Bunu etmirlər və KTMT nizamnaməsinin ingilis dilinə rəsmi tərcüməsini burada oxumaq olar. Bununla belə, KİV üzvləri Rusiyanı nüfuzdan salmaq üçün bu ifşa edilmiş hekayədən yapışırlar və onların müdaxilə etmək üçün ona təzyiq göstərə biləcəyini düşünürlər.
4. Rusiya sülhməramlıları döyüşləri qanuni olaraq dayandıra bilməz
Yuxarıdakılara əlavə olaraq, bir çoxları da yalandan iddia edirlər ki, Rusiyanın Qarabağdakı sülhməramlılarının döyüşləri dayandırmaq üçün qanuni öhdəliyi var, lakin bu da doğru deyil. Moskvanın vasitəçiliyi ilə 2020-ci ilin noyabrında Ermənistan baş nazirinin rəsmi saytında oxuya biləcəyiniz atəşkəsdə bu barədə heç nə qeyd olunmur. Üstəlik, Dövlət Dumasının Müdafiə Komitəsinin rəhbəri Andrey Kartapolov TASS-a açıqlamasıda dedi ki, Rusiya sülhməramlıları təhdid olunmasa, silahlarından istifadə edə bilməyəcəklər.
5. Ermənistan artıq öz ərazisi boyu regional dəhliz yaratmağa razılıq verib
Diqqəti cəlb edən son fakt ondan ibarətdir ki, yuxarıda qeyd olunan atəşkəs sazişinin sonuncu bəndində Ermənistan ərazisindən Rusiyanın Sərhəd Xidməti tərəfindən qorunacaq regional dəhlizin yaradılması nəzərdə tutulur. Odur ki, Azərbaycanın Ermənistanın Zəngəzur vilayəti boyunca Naxçıvan bölgəsi ilə əlaqə qurmaq istəyi bəzilərinin iddia etdiyi kimi “imperialist” deyil, Moskvanın vasitəçiliyi ilə üç il əvvəl davam edən atəşkəs zamanı hər üç tərəfin razılaşdığı regional geoiqtisadi proseslərin təcəssümüdür”.