Kolumbiyada ölkənin ən böyük narkokarteli olan “Körfəz Klanı”nın başçısı “Otoniel” ləqəbli Dairo Usuqa saxlanılıb.
AzerTimes-ın “El Tiempo” qəzetinə istinadən verdiyi məlumata görə, Kolumbiyada D.Usuqanın taplması və ya saxlanılmasını asanlaşdıracaq məlumata görə 3 milyon peso, ABŞ-da isə narkokartelin başçısının yeri barədə məlumata görə 5 milyon dollar təklif edilirdi.
Məlumata əsasən, D.Usuqa oktyabrın 23-də saxlanılıb. Ona qarşı müxtəlif cinayətlər üzrə 120-dən artıq cinayət işi açılıb.
Qeyd edək ki, “Körfəz Klanı” Kolumbiyanın kokain istehsalı və kokaininin Meksika vasitəsilə ABŞ-a daşınması ilə əlaqəli əsas və ən böyük narkokarteli hesab edilir.