Rusiya qüvvələri Ukraynaya qarşı kütləvi hücumlara münasibətini bir qədər dəyişib. Əvvəlki raket hücumları gecə saatlarında olsa da, sonuncu hücum səhərə yaxın edilib.
AzerTimes xəbər verir ki, bunu ukraynalı hərbi ekspert Konstantin Krivolap deyib.
O bildirib ki, ruslar çoxlu raketdən istifadə ediblər:
“Xüsusən, X-101, “Xəncər”, X-22, “Kalibr” raketləri, həmçinin çoxlu sayda “Şahid” kamikadze PUA-sı… Zərbələrin belə dəyişməsinin nəticəsi Ukrayna qüvvələrinin Rusiya aerodromlarına hücumları ola bilər. Düşmənin Tu-95MS təyyarələri hər gün Olenya və Engels aviabazaları arasında uçurdu. Biz onların cədvəlini ciddi şəkildə pozmuşuq. Bizim hərəkətlərimiz onları reyslərin sayını azaltmağa məcbur edib. “Xəncər” daşıyıcıları – MiQ-31K qırıcıları ilə də vəziyyət oxşardır. Bu gün səmada cəmi üç təyyarə var idi ki, bu da Ukraynanın Savasleykaya zərbələrinin nəticələrinin olduğunu sübut edir.
Ukrayna qüvvələri tərəfindən heç bir tədbir görülməsə, Rusiyanın Kiyevə yeni zərbəsi bir həftə ərzində baş verə bilər”.