Şimali Koreya lideri Kim Çen İn müdafiə zavodlarına istehsalı artırmağı tapşırıb.
AzerTimes xəbər verir ki, bu barədə Koreya Mərkəzi Teleqraf Agentliyi məlumat yayıb.
Məlumata görə, Koreya lideri raket mühərrikləri, artilleriya, atıcı silahlar və digər silahlar istehsal edən bir sıra zavodların işini yoxlayıb və ölkənin müdafiə qabiliyyətini gücləndirmək məqsədilə istehsal gücünün artırılmasına göstəriş verib:
“Kim Çen İn çoxsaylı buraxılış raket sistemləri üçün iri çaplı mərmi istehsalının modernləşdirilməsindən məmnunluğunu ifadə edib. Eyni zamanda, o, yeni silah növlərinin, xüsusilə mərmi və atıcı silahların istehsalına başlamağın zəruriliyini qeyd edib”.