Şimali Koreyada güclü yağışlar daşqınla nəticələnib. Təbii fəlakət nəticəsində minlərlə insan təxliyə edilib. KXDR rəhbəri Kim Çen İn özü zərər çəkmiş rayonların sakinlərinin xilas edilməsi və təxliyə işlərinə rəhbərlik edib.
AzerTimes Oxu.az-a istinadla xəbər verir ki, bu barədə Mərkəzi Teleqraf Agentliyi (KCNA) xəbər yayıb.
Bildirilir ki, leysan nəticəsində Amnok çayının su səviyyəsi təhlükəli həddi xeyli keçib. Beş mindən çox sakin subasma riski olan rayonlardan təcrid olunub.
Kim Çen İn bu rayonlara baş çəkib və yağışdan zərər çəkmiş ərazinin sakinlərinin xilasetmə işlərinə rəhbərlik edib.
“Xilas edilmiş sakinlər, güclü küləkli və yağışlı hava şəraitində hava limanında onları gözləyən Kim Çen İnlə gözlənilmədən qarşılaşdıqda, sonsuz həyəcan və minnətdarlıqdan göz yaşlarını saxlaya bilmədilər”, – deyə KCNA-da vurğulanıb.
KXDR liderinin göstərişi ilə əməliyyata Koreya Xalq Ordusunun Hərbi Hava Qüvvələrinin helikopterləri və Hərbi Dəniz Qüvvələrinin xilasetmə gəmiləri, həmçinin 10-dan çox helikopter cəlb olunub.
Qeyd olunur ki, 6 saat ərzində 4.2 mindən çox insan xilas edilib.