Sosial şəbəkələrdə və xəbər saytlarında Goranboy rayon Meşəli kəndi ərazisində baş verilmiş oğurluq hadisələrinin araşdırılmaması və yaxud da cinayəti törətmiş şəxs və şəxslərin himayə olunması ilə bağlı iddialar həqiqətə uyğun deyil.
Bu sözləri AzerTimes-a açıqlamasında DİN-in Mətbuat Xidmətinin Gəncə regional qrupunun baş inspektoru, polis kapitanı Eşqin Qasımov deyib.
“Məlumat üçün qeyd edim ki, həmin sakinlər 2019-2023-ci illərin müxtəlif vaxtlarında Xocalı Rayon Polis Şöbəsinə müraciət edərək, özlərinə məxsus mal-qara, at və digər heyvanların itməsi və ya oğurlanması barədə məlumat veriblər. Hər bir sakinin müraciəti qeydə alınaraq heyvanların tapılması, oğurluq cinayətidirsə, şübhəli şəxs və şəxslərin müəyyən edilərək istintaqa cəlb edilməsi istiqamətində əməliyyat-axtarış tədbirləri davam etdirilir. Araşdırmaların nəticəsi barədə əlavə məlumat veriləcək”, – o bildirib.