Bratislavada Slovakiyanın keçmiş baş naziri İqor Matoviçlə Daxili İşlər Nazirliyinin keçmiş rəhbəri Robert Kaliniyak arasında dava olub.
AzerTimes Pravda.sk-a istinadən xəbər verir ki, insident Smer-SD Partiyasının qeyri-qanuni miqrasiya mövzusunda təşkil etdiyi mətbuat konfransı zamanı parlament binası qarşısında baş verib.
OLANO Partiyasının lideri İqor Matoviç mətbuat konfransına səs gücləndiriciləri olan avtomobillə gəlib. Matoviçlə Kaliniyak arasında qarşıdurma keçmiş daxili işlər nazirinin keçmiş baş nazirin əlindən mikrofonu qoparmaq istəməsindən sonra baş verib.
Keçmiş DİN rəhbəri miqrantların ölkəyə girişinə qarşı olub və keçmiş baş naziri vəzifədə olduğu müddətdə əcnəbilər üçün “qapı”ları açmaqda ittiham edib. O, əcnəbilərin Slovakiyada qalması üçün sənədlərin verilməsini məhz onların hökumətinin təsdiqlədiyini vurğulayıb.