Kanada Kral Atlı Polisi (milli polis) ölkənin baş naziri Castin Trüdonu “X” sosial şəbəkəsində hədələyən şəxsi saxlayıb.
AzerTimes xəbər verir ki, bu barədə “Qlobal Nyus” məlumat yayıb.
Məlumata əsasən, saxlanılan 30 yaşlı Monreal sakini Pol Klarissoya qarşı artıq ittiham irəli sürülüb. Həmin şəxs yaxın vaxtlarda məhkəməsi keçiriləcək. Onun hansı cəzaya məruz qalacağı barədə məlumat verilməyib.
Qeyd olunub ki, polis C.Trüdonun təhlükəsizliyinə qarşı olan təhdidlərin ciddi olmasını nəzərə alaraq araşdırma apardıqdan sonra Klarissonu saxlayıb.
Təhdidlərin konkret olaraq nədən ibarət olması açıqlanmayıb.