Kanada hökuməti Atlantik okeanının sularında “Titan” batiskafının batması ilə bağlı araşdırmalara başlayıb.
AzerTimes xəbər verir ki, bu barədə Kanadanın Nəqliyyat Təhlükəsizliyi İdarəsinin məlumatında deyilir.
“Nəqliyyat Təhlükəsizliyi Kanada bayrağı altında üzən “Polar Prince” gəmisi və özəl sualtı “Titan”ın iştirakı ilə baş vermiş ölümcül insidentlə bağlı təhqiqata başlayır”, – deyə bildirilir.
Qeyd edək ki, ötən gün ABŞ Sahil Mühafizəsi tapılan qalıqlara əsasən batiskafın məhv olduğunu və ekipaj üzvlərini də hər birinin həlak olduğunu bildirib.