Kamerunun Duala şəhərində binanın uçması sonucunda azı 12 nəfər ölüb.
AzerTimes xəbər verir ki, bu barədə Frans Press Agentliyi (AFP) yanğınsöndürənlərə istinadən məlumat yayıb.
Bildirilib ki, daha beş nəfərin vəziyyəti ağırdır.
AFP-nin məlumatına görə, hadisə ötən gecə baş verib. Dördmərtəbəli yaşayış binası yaxınlıqdakı birmərtəbəli binanın üzərinə uçub.
Hadisənin hansı səbəbdən baş verməsi hələlik açıqlanmayıb.