Çeçenistan rəhbəri Ramzan Kadırovun qızları Karina, Tabarik və Hedi 2017-ci ildə Fransaya getmək üçün başqa soyadlı pasportlardan istifadə ediblər.
AzerTimes xəbər verir ki, bu barədə Ukrayna mətbuatı məlumat yayıb.
“2017-ci ilin iyununda Kadırovun qızları atalarının Airbus ACJ319 biznes təyyarəsi ilə Parisə uçublar. Təyyarədə ən azı 21 nəfər olub. Sərnişinlər arasında Çeçenistan rəhbərinin Musayeva soyadlı pasportlardan istifadə edən üç qızı da olub. Eyni zamanda, sənədlərində onların atasının adı və əsl doğum tarixləri düzgün qeyd olunub. Onlardan başqa təyyarədə Fatimə Xazuyeva da olub. O, Çeçenistan rəhbəri ilə münasibətdədir”, – məlumatda deyilir.
Qeyd olunur ki, Parisdə Kadırovun digər qızı Ayşatın idarə etdiyi “Firdaws” moda evi şoular keçirir.