Çeçenistan rəhbəri Ramzan Kadırov Ukrayna əsirliyindən qayıdan çeçen hərbçilərlə görüşməkdən imtina edib.
AzerTimes xəbər verir ki, Kadırov bu barədə Teleqram kanalında elan edib.
“Hesab edirəm ki, çeçen döyüşçünün əsir düşməyə haqqı yoxdur. Bəhanələr fərqli ola bilər, amma nə olursa olsun, döyüşçü başqa seçimi olmadığını göstərməlidir. Bunu da cəbhə xəttinə qayıtmaqla sübut etməlidir”, – Kadırov bildirib.
Qeyd edək ki, Ukrayna ilə Rusiya arasındakı son əsir mübadiləsi zamanı 5 kadırovçu Rusiyaya təhvil verilib. Kadırovçular döyüş zamanı sursatları qalmadığı üçün əsir düşdüklərini bildirmişdilər.