İzmirdə davam edən yanğına görə İzmir hava limanı fəaliyyətini dayandırıb.
AzerTimes xəbər verir ki, bu barədə Türkiyə mətbuatı məlumat yayıb.
Artıq 10 günə yaxındır ki, Türkiyənin İzmir bölgəsində meşə yanğınları baş verir. İzmirdə davam edən meşə yanğınlarının səbəb olduğu qatı tüstü ucbatından təyyarələr Adnan Menderes hava limanına eniş edə bilmir. Mövcud məhdudiyyət hava limanından qalxan təyyarələrə də aiddir. Müxtəlif şəhərlərdən gələn təyyarələrin Milas-Bodrum hava limanına yönləndirildiyi bildirilir.