İsveçrə Rusiyanın dondurulmuş aktivlərini müsadirə edə bilməz, çünki bu, ölkə konstitusiyası ilə qadağandır.
AzerTimes xəbər verir ki, bu barədə İsveçrə hökuməti bildirib.
Qeyd olunur ki, İsveçrə tətbiq edilən sanksiyalar çərçivəsində Rusiyanın təxminən 8,13 milyard dollar məbləğində maliyyə aktivlərini dondurub. Federal Ədliyyə Departamenti tərəfindən yaradılmış xüsusi işçi qrup bu aktivlərin Ukraynanın xeyrinə mümkün müsadirə edilməsi məsələsini araşdırıb və belə qənaətə gəlib ki, hüquqi mənşəli şəxsi aktivlərin kompensasiya ödənilmədən müsadirəsi qəbuledilməzdir.