İsveçin paytaxtı Stokholmda ölkənin ən böyük İmam Əli şiə məscidində güclü yanğın olub.
Hadisə ötən gün (30 aprel) axşam saatlarında baş verib.
“Ehtimal edilir ki, məscid çöldən yandırılıb”, – deyə Stokholm polisi Lars Bistrem telekanala bildirib.
Yanğın haqqında ötən gün gecə saatlarında məlumat verilib. Xəsarət alanlar barədə hələlik məlumat verilmir.
Məscidin daxilindəki kitabxanada 3 min kitab var. Kitabxananın yanıb-yanmadığı barədə də xəbər verilmir.
“Məscidin 30-50%-i yanıb. Hələlik bu qədər deyə bilərik”, – məscidin nümayəndəsi Aki Zahiri bildirib.