Bələdiyyə seçkilərində qələbə Türkiyə siyasi müxalifəti üçün son şansdır.
AzerTimes Publika.az-a istinadən xəbər verir ki, “Faynənşl Tayms”da “İstanbul döyüşü”nün əhəmiyyəti barədə yazıb.
Ekspertlərin fikrincə, səsvermədə qalib gəlmək müxalifət üçün həlledicidir. May seçkilərində alternativ prezidentliyə namizədin məğlubiyyəti alyansın birliyini zəiflədib.
“Bu, onsuz da darmadağın olan müxalifət partiyaları üçün həlledici seçkidir. İstanbulu itirsələr, çətin vəziyyətə düşəcəklər”, – İstanbul Sabancı Universitetinin professoru Berk Esen deyib.
Xatırladaq ki, Türkiyədə bələdiyyə seçkiləri martın 31-də keçiriləcək. İstanbul bələdiyyə sədri postu uğrunda hazırkı prezidentin partiyasından namizədliyi irəli sürülmüş keçmiş urbanizasiya naziri Murad Kurum və müxalifət namizədi Əkrəm İmamoğlu mübarizə aparacaq. İmamoğlunun 2019-cu ildə keçirilən əvvəlki bələdiyyə seçkilərindəki qələbəsi Rəcəb Tayyib Ərdoğan üçün sürpriz oldu. Bu il yerli sakinlər yenə də müxalifətin namizədinə üstünlük verirlər.
İstanbul Ərdoğan üçün xüsusi əhəmiyyət kəsb edir – o, 1994-98-ci illərdə İstanbulun bələdiyyə sədri olub.