Livan ərazisindən İsrailin şimal rayonları növbəti dəfə raket atəşinə tutulub.
AzerTimes xəbər verir ki, bu barədə İsrail ordusunun (ÇAXAL) mətbuat xidməti məlumat yayıb.
Mərmilərin bir qismi hava hücumundan müdafiə sistemi tərəfindən məhv edilib.
Cavab tədbiri kimi, İsrail artilleriyası Livanın bir neçə cənub bölgəsində atəş mənbələri istiqamətində zərbə endirib.
Bundan bir müddət öncə isə İsrail qırıcıları Hizbullaha aid buraxılış qurğusu və müşahidə məntəqəsini də məhv edib.