İsrail ordusu Xan Yunisdəki “Naser” xəstəxanasına, eləcə də jurnalistlərin yerləşdiyi çadıra hücum edib. Nəticədə çoxlu sayda köçkün həlak olub və yaralanıb.
AzerTimes xəbər verir ki, bu barədə Teleqram kanallarında məlumat yayılıb.
Məlumata görə, qurbanlar arasında jurnalistlər də var. Türkiyənin TRT telekanalının operatoru peşə borcunu yerinə yetirərkən gözündən qəlpələrlə yaralanıb. TRT-nin kamera köməkçisi və bir neçə digər mətbuat mənsubunun da yaralandığı bildirilir.