İsrail qırıcıları Livanın cənubunda Hizbullah silahlılarına və hərbi obyektlərinə zərbələr endirib.
AzerTimes xəbər verir ki, bu barədə İsrail ordusunun məlumatında deyilir.
“Bu gün səhər saatlarında hərbçilər Livanın cənubundakı Tayr Harf bölgəsində hərbi obyektdə bir neçə Hizbullah terrorçusunu müəyyən ediblər. İsrail Hərbi Hava Qüvvələri terrorçuların fəaliyyət göstərdiyi hərbi obyektə hücum edib.
Paralel olaraq, İsrail Hərbi Hava Qüvvələri Livanın cənubundakı Taibe bölgəsində Hizbullahın əlavə hərbi obyektlərinə zərbələr endirib” – məlumatda deyilir.