İsrail hökuməti girovlarımızı mümkün qədər tez qaytarmaq istəyində həmrəydir və bu məqsədə çatmaq üçün çalışır.
AzerTimes xəbər verir ki, bu barədə İsrail baş nazirinin ofisinin bəyanatında deyilir.
“Buna görə də baş nazir danışıqlar qrupuna bütün girovların qaytarılması və HƏMAS-ın hərbi və inzibati imkanlarının aradan qaldırılması da daxil olmaqla, bütün məqsədlərinə nail olunana qədər müharibənin bitməyəcəyini təmin edən plan təqdim etmək səlahiyyəti verib.
İsrailin təklif etdiyi dəqiq plan, xüsusən fazadan fazaya şərti keçid İsrailə bu prinsipləri qoruyub saxlamağa imkan verir”, – deyə bildirilib.
Qeyd edək ki, ABŞ Prezidenti Co Bayden İsrail və HƏMAS arasında mümkün razılaşmanın detallarını açıqlamışdı.