İsrail ordusu Qəzza zolağının cənubundakı ən böyük şəhər olan Xan Yunis ərazisində hərbi əməliyyatların miqyasını genişləndirməyi planlaşdırır.
AzerTimes xəbər verir ki, bunu İsrailin müdafiə naziri Yoav Qallant deyib.
“Biz Xan Yunis bölgəsində intensiv əməliyyat keçiririk və bu əməliyyat genişləndirməyə davam edəcək. Tanklardan, artilleriyadan və hava qüvvələrinə məxsus təyyarələrdən gələn tüstü buludları biz hədəflərimizə çatana qədər Qəzza zolağının səmasını gizlətməyə davam edəcək”, – nazir bildirib.