İsrail ordusu Qəzza zolağı, İordan çayının qərb sahili və Livandakı əməliyyatlarının təfərrüatlarını əks etdirən, öldürülən yaraqlıların sayından tutmuş vurulan hədəflərin sayına qədər geniş məlumat toplusunu açıqlayıb.
AzerTimes xəbər verir ki, bu barədə “Tayms of İsrail” məlumat yayıb.
Məlumata görə, oktyabrın 7-də İsrail daxilində təxminən 1000 döyüşçüdən əlavə, müharibə başlayandan bəri Qəzza zolağında 9 mindən çox HƏMAS və digər qruplaşma döyüşçüsü İsrail ordusu tərəfindən öldürülüb:
“Hərbçilər HƏMAS-ın iki briqada komandirini və 19 batalyon komandirini və oxşar rütbəli digər yüksək vəzifəli məmurları öldürüblər. Bu məlumatlara görə, 50-dən çox alay komandiri və oxşar rütbəli HƏMAS əməliyyatçısı da öldürülüb. Həmçinin Hizbullah hərəkatının üzvləri olan 170-dən çox Livan yaraqlısının öldürdüyü iddia edilir. Müharibə başlayandan bəri Qəzza zolağında təxminən 30 000 hədəf vurulub. Livanda “Hizbullah”ın 750-yə yaxın mövqesi vurulub”.