İsrail son 24 saat ərzində Qəzza zolağında 320-dən çox terror obyektini məhv edib.
AzerTimes xəbər verir ki, bu barədə İsrail ordusu və Şin Betin birgə bəyanatında deyilir.
Dağıdılan obyektlər arasında HƏMAS tərəfindən istifadə edilən əməliyyat tunelləri, həmçinin terrorçuların gizləndiyi onlarla qərargahın olduğu iddia edilir.
İsrail ordusu onu da bildirib ki, İsrailin Qəzza zolağında planlaşdırılan hərbi əməliyyatında iştirak edəcək quru qoşunlarına qarşı təhlükələri aradan qaldırmaq səyləri çərçivəsində Qəzzada yerləşən onlarla minaatan və tank əleyhinə qurğunu məhv edib.