İspaniyalı motoyarışçısı Uqo Milian “European Talent Cup” turnirində qəzaya uğrayaraq həlak olub.
Trend TASS-a istinadən xəbər verir ki, bu barədə dairə-şosse motoyarışları üzrə Dünya çempionatının (MotoGP) mətbuat xidməti məlumat verib.
Hadisə İspaniyanın Araqon əyalətində keçirilən yarışlarda baş verib. Yarışların ən gənc iştirakçısı – 14 yaşlı idmançı xəstəxanaya çatdırılsada həyatını xilas etmək olmayıb.
Altı qat “MotoGP” çempionu ispaniyalı Mark Markes Milianın yaxınlarına başsağlığı verib.