Xəbər - Elçin Mehdiyev – Trend:
Azərbaycanın işğaldan azad edilmiş Cəbrayıl, Füzuli, Ağdam, Zəngilan, Qubadlı rayonlarının ərazilərində narçılıq təsərrüfatının inkişafı üçün münbit şərait var.
Bunu AzerTimes-a Azərbaycan Nar İstehsalçıları və İxracatçıları Assosiasiyasının sədri Fərhad Qaraşov deyib.
F.Qaraşov bildirib ki, Assosasiya həmin ərazilərdə fəaliyyətə başlamaq niyyətindədir: “Bu ərazilərdə gələcək fəaliyyətimizi qurmaq istəyirik. Orada həm su var, həm minerallarla çox zəngin torpaqlardır və ona görə də orada narçılığın inkişafı üçün münbit şərait var. Həmin ərazidə sovet dövründə narçılıq təsərrüfatı olub.
İndi də bizim məqsədimiz var ki, investorlar cəlb edib həmin ərazilərdə nar bağları salaq. Ümumilikdə, ölkədə nar bağlarının sahəsi 22,700 hektardır. Yaxın 5 il ərzində nar bağlarının sahəsini 5 min hektar artırmaq niyyətindəyik”.