Qroznıda Çeçenistan Respublikasının ilk prezidenti Əhməd Hacı Kadırovun anadan olmasının 73-cü ildönümündə İsa peyğəmbərin adını daşıyan 5 min nəfər tutuma malik məscid təntənəli şəkildə istifadəyə verilib.
AzerTimes xəbər verir ki, bu barədə “RİA Novosti” məlumat yayıb.
Məlumata görə, dindarlar Çeçenistan rəhbəri Ramzan Kadırov və dini liderlərlə birlikdə məbəddə ilk kollektiv cümə namazını qılıblar.
Dini kompleksin fasadı qranitlə bəzədilib, obyektin xarici görünüşü Şali şəhərindəki Məhəmməd peyğəmbərin adını daşıyan “Müsəlmanların fəxri” məscidinin üslubunu xatırladır.