Ermənistanın Təhlükəsizlik Şurasının katibi Armen Qriqoryan Azərbaycanın eskalasiyaya hazırlaşdığını və Tex (Dığ) kəndində baş verənlərin bu planın bir hisəsi olduğu iddiasını irəli sürüb.
Bu, İrəvanın alibi yaratmaq ssenarisidir: sərhəd boyunca təxribat hücumları ilə hərbi eskalasiya yaradaraq, “Azərbaycanın hücum edəcəyi xəbərdarlığını etmişdik” deyəcəklər;
Ermənistanın məqsədi cari dövrdə Aİ missiyasının Bakı-İrəvan xəttində “tərəfə” çevirmək, Rusiyanı oyundan uzaqlaşırmaq və yerinə yeni oyunçular daxil etmək, orta perspektivdə sülh müqaviləsindən yayınmaq üçün zaman qazanmaq, uzaq perspektivdə 44 günlük müharibədən sonra götürdüyü öhdəlikləri arxa plana keçirmək, yeni şərtlər və gündəliyin olduğu danışıqlar masası qurmaqdır.
Son təxribat buna hesablanmışdı və Qriqoryanın iddiası fonunda bu hücumların genişlənəcəyi gözləntisi daha da artır.