İrəvanda Xüsusi Beynəlxalq Təhlükəsizlik Akademiyasının idman zalında yanğın baş verib.
AzerTimes xəbər verir ki, bu barədə Ermənistan Daxili İşlər Nazirliyinin xilasetmə xidməti məlumat yayıb.
Qeyd olunur ki, bu gün saat 14:05-də yanğınla bağlı idarəyə zəng daxil olub:
“Yanğınsöndürmə və xilasetmə dəstəsinin 4 heyəti hadisə yerinə yola düşüb. Yanğın hadisəsi ağır olaraq qiymətləndirilib. Yanğın 6 mərtəbəli binanın 300-400 kv.m sahəsi olan otaqlarından birində baş verib”.
Akademiyanın rəhbəri Araik Bazinyan isə bildirib ki, yanğın binanın damına çatıb.