44 günlük müharibədə ölən erməni əsgərlərin valideynləri və yaxınları “Yerablur”da gecələyiblər. Onlar hökumət üzvlərinin bu gün səhər saatlarında “Yerablur”a girməsinin qarşısını almaq üçün dünəndən toplaşıblar.
AzerTimes xəbər verir ki, bu barədə “Hraparak” qəzeti məlumat yayıb.
“Hazırda bura bir nəfər də olsun hökumət üzvü gəlməyib”, – məlumatda deyilir.
Qeyd edək ki, ötən dəfə “Yerablur”da Ermənistanın Baş naziri Nikol Paşinyanla savaşda məhv edilən erməni əsgərlərin valideynləri arasında insident yaşanmışdı. Hazırda isə Paşinyan Fransada işgüzar səfərdədir.