Ermənistan İrəvan-Qafan sınaq uçuşu ilə bağlı Azərbaycan tərəfini məlumatlandırıb.
AzerTimes xəbər verir ki, bu barədə Ermənistan Mülki Avaisiyası məlumat yayıb.
Bildirilib ki, Çexiya istehsalı L-410 kiçikhəcmli sərnişin təyyarəsi ilə 26 aprel tarixində İrəvan-Qafan uçuşu icra edilib.
Belə ki, prosedura uyğun olaraq Ermənistan tərəfi teleqraf rabitəsi ilə Azərbaycanın müvafiq qurumuna bu barədə məlumat ötürüb.
Ermənistanın Mülki Aviasiya Xidməti təyyarənin Azərbaycan üzərindən keçmədiyini qeyd edib və yalnız sərhəd zonasına çatdıqda uçuş haqqında məlumatın göndərildiyini əlavə edib.
Qeyd edək ki, Ermənistanın Qafan aeroportu Ağkənd, Qafan-Gorus avtomobil yolu isə Qazançı döyüş məntəqəsinin vizual nəzarətindədir.