2023-cü ilin sentyabr (19 sentyabrdan başlayaraq) və oktyabr aylarında beynəlxalq mətbuatda Qarabağdakı vəziyyətə həsr olunmuş 1,8 mindən çox məqalə dərc olunub.
AzerTimes xəbər verir ki, bu barədə Ermənistan Xarici İşlər Nazirliyinin mətbuat katibi Ani Badalyan X sosial şəbəkəsində məlumat yayıb.
Badalyan qeyd edib ki, sentyabrda dünya mətbuatında mindən çox, oktyabrda isə 800-dən çox material dərc olunub. Nəşrlər Qarabağı tərk edən “100 mindən çox insan”ın hekayələrinə istinad ediblər.
Badalyan bu rəqəmlə qürur duyduğunu da gizlətməyib:
“Azərbaycanın sentyabrın 19-da Qarabağa hərbi hücumundan və “etnik təmizləmə”dən sonrakı vəziyyətin obyektiv beynəlxalq işıqlandırılmasını qeyd etmək vacibdir”.