Fazil Mustafaya qarşı terror hücumunu törətməkdə şübhəli bilinən şəxslər saxlanılıb: onların İranla bağlantılarına dair müəyyən detallar var.
AzerTimes xəbər verir ki, bu barədə siyasi şərhçi Asif Nərimanlı qeyd edib.
O bildirib ki, hücumda İran izi ən çox ehtimal edilən versiyadır və hadisənin motivlərindən tutmuş hədəfinə qədər əksər detal diqqəti Tehranın üzərinə yönəldir:
“Terror aktının bir nəfər tərəfindən yox, qrup şəklində təşkil edilməsi və qrupa bağlı digər şəxslər haqda araşdırmanın davam etməsi “İranın Azərbaycanda göstəriş gələndə silahlı hücumlar təşkil etmək potensialına malik dəstələrinin olduğu” fikrini isbat edir. Bu əməliyyat həmin dəstələrin ifşa edilməsi və neytralaşdırılmasına yeni imkanlar yaradacaq”.