Bu gün Tehranın Estəxr küçəsində daş daşıyan qoşqu 11 avtomobillə toqquşub.
AzerTimes xəbər verir ki, bu barədə İRNA məlumat yayıb.
Tehran Bələdiyyəsinin Yanğından Mühafizə və Təhlükəsizlik Xidməti İdarəsinin sözçüsü Cəlal Maliki bildirib ki, qəza səhər saat 07:25 radələrində baş verib.
Qəza nəticəsində 4 nəfər ağır yaralanıb, 1 qadın isə həyatını itirib. Yaralılardan 3-ü kişi, 1-i isə üç yaşlı qız uşağıdır.
Qəzanın səbəbləri araşdırılır.