İranın Sistan və Bəlucistan əyalətinin mərkəzi Zahidan şəhərində səssiz etiraz aksiyası keçirilib.
AzerTimes xəbər verir ki, bu barədə Bəluc Fəalların kampaniyası məlumat yayıb.
Məlumata görə, cümə namazından sonra sünni bəlucların məhərrəm ayında şiələrə hörmət əlaməti olaraq şüarlar vermədən səssiz yürüş ediblər.
Aksiya baş tutan vaxt Zahidan şəhərinin əksər bölgələrində internet kəsilib, mobil telefon operatorlarda problemlər yaranıb.
Qeyd edək ki, bu bəlucların Tehrana hökumətinə qarşı hər həftə keçirdikləri 42-ci etiraz aksiyasıdır.