İranda Məşhəd-Yezd səfərini həyata keçirən qatar qəzaya uğrayıb.
AzerTimes xəbər verir ki, hadisə yerli vaxtla saat 05:30-da Tebes şəhəri yaxınlığındakı Mezino stansiyasında baş verib.
Sərnişin qatarının 7 vaqonundan 5-i relsdən çıxıb.
Qəza nəticəsində azı 10 nəfər həyatını itirib, 15 nəfər isə yaralanıb.
Hadisə yerinə 3 helikopter və 10 təcili yardım maşını göndərilib.
Ölən və yaralananların sayının artacağı istisna edilmir.
Qəzanın başvermə səbəbləri araşdırılır.