Xəbər - Elnur Bağışov – Trend:
İranda ötən sutka ərzində 193 nəfər koronavirusdan (COVID-19) ölüb.
AzerTimes-ın məlumatına görə, bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib.
S.Sadat Larinin sözlərinə görə, bununla da İranda bu virusdan ölənlərin sayı 64 232 nəfərə yüksəlib.
Nazirlik rəsmisi deyib ki, İranda ötən 24 saat ərzində 19 666 nəfər koronavirusa yoluxub. Beləliklə İranda bu virusa yoluxanların sayı 2 049 078 nəfərə çatıb. Virus daşıyıcılarından 4 329 nəfərin vəziyyəti ağır qiymətləndirilir.
Ölkədə indiyədək 1 702 062 nəfər koronavirusdan sağalıb, 13,5 milyondan çox diaqnoz testi həyata keçirilib.
Koronavirusa yoluxma üzrə 257 rayon qırmızı və 129 rayon narıncı zona hesab olunur. Qırmızı və narıncı zona hesab olunan rayonlara gediş-gəliş qadağandır. Bundan başqa 51 rayon sarı, 11 rayon isə mavi zona hesab olunur.