İranda qırmızı ətin bir neçə dəfə bahalaşması eşşək ətinin satışında kəskin artıma yol açıb.
AzerTimes xəbər verir ki, bu barədə yerli sosial media fəalları paylaşımlar ediblər.
Paylaşımlarda əlaqədar orqanların məsələnin qarşısının alınmasında maraqlı olmadığı, bundan öncə nadir hallarda baş verən hadisənin son aylar kütləviləşdiyi bildirilib.
Qeyd edək ki, hazırda İranda ətin bir kiloqramının qiyməti ortalama 500 min tümən (12 dollar) civarındadır. Problemin həlli üçün İbrahim Rəisinin ötən həftə Keniyaya səfəri zamanı avtomobil qarşılığında İrana bu ölkədən ət idxalı barədə razılıq əldə edilib.