Xəbər - Elnur Bağışov – Trend:
İranda ötən sutka ərzində 80 nəfər koronavirusdan (COVID 19) ölüb.
Bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib. Bu barədə Trend nazirliyə istinadən məlumat verir.
S.Sadat Larinin sözlərinə görə, bununla da İranda bu virusdan ölənlərin sayı 59 264 nəfərə çatıb.
Nazirlik rəsmisi deyib ki, İranda ötən 24 saat ərzində İranda 8 066 nəfər koronavirusa yoluxub. Beləliklə İranda bu virusa yoluxanların sayı 1 550 142 nəfərə yüksəlib. Virus daşıyıcılarından 3 679 nəfərin vəziyyəti ağırdır.
Ölkədə indiyədək 1 324 231 nəfər koronavirusdan sağalıb, 10,2 milyondan çox diaqnoz testi həyata keçirilib.
İranın rayonları koronavirusa yoluxmada 9 rayon qırmızı, 39 rayon narıncı, 228 rayon sarı, 172 rayon isə mavi zona hesab olunur.