İranın İsrailə gecə hücumunun məqsədi Tehranın Suriyadakı diplomatik missiyasına hücumun qisasını almaq olub.
AzerTimes xəbər verir ki, bunu rusiyalı politoloq, Yaxın Şərq və Qafqaz problemləri üzrə ekspert Stanislav Tarasov deyib.
“İranın proksi qüvvələri tərəfindən müxtəlif hədəflərə PUA zərbələri əvvəllər də həyata keçirilib, lakin onlar heç vaxt belə yüksək piar kampaniyası ilə müşayiət olunmayıb. Görünür, pərdə arxasında danışıqlar aparan amerikalılar İranın sifətini xilas etmək üçün zərbə endirməli olduğunu anlayıblar. Lakin bu zərbələr az zərərlə vurulmalıdır”, – Tarasov bildirib.