Livan Hizbullahı İsrailin şimalına artilleriya və raket zərbələri endirib.
AzerTimes xəbər verir ki, bu barədə “Taym of İsrail” məlumat yayıb.
Məlumata əsasən, Hizbullah Livan sərhədi yaxınlığındakı Əl-Mutla bölgəsində bir İsrail hərbi avtomobilini idarə olunan raketlə vurub. Hücum nəticəsində İsrail ordusunun bir əsgəri yüngül xəsarət alıb.
Həmçinin ölkənin şimalındakı Əl-Məlkiyə bölgəsinə də 7 raket atıldığı bildirilib.
Qeyd edək ki, İsrail mətbuatı ölkənin şimal bölgələrində həyəcan siqnalının işə salındığını vurğulayıb.