Hərbi qulluqçumuz Türkiyədə bədbəxt hadisə nəticəsində həyatını itirib – Müdafiə Nazirliyi

Xəbər - Samir Əli – Trend:

Türkiyə Respublikasında komando kursunda iştirak edən hərbi qulluqçumuz kapitan Quliyev Rafiq Cərulla oğlu təlim-məşqlər bitdikdən sonra şəhərdə olarkən bədbəxt hadisə baş verib.

Müdafiə Nazirliyindən AzerTimes-ın sorğusuna verilən cavaba görə, ehtiyatsızlıq nəticəsində çoxmərtəbəli avtomobil dayanacağından yıxılan R.Quliyev dərhal xəstəxanaya təxliyə edilib, lakin həkimlərin səylərinə baxmayaraq onun həyatını xilas etmək mümkün olmayıb.

Müdafiə Nazirliyi həlak olan hərbi qulluqçumuzun yaxınlarına dərin hüznlə başsağlığı verir və səbr diləyir.


Allah rəhmət eləsin!

Teqlər: