Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Tvitter hesabında Cəbrayıldan paylaşım edib.
AzerTimes xəbər verir ki, o, şəhərin xarabalığını əks etdirən görüntülərini yayımlayaraq bir çoxlarının bu narahatedici mənzərəni vulkan püskürməsi nəticəsində dağılmış qədim Pompeylə qarışdıra biləcəyini deyib, ancaq bunun belə olmadığını vurğulayıb.
“Pompeydən fərqli olaraq, bu video 30 illik işğal zamanı Cəbrayıl şəhərində Ermənistanın (hansı ki, “qədim sivil ölkə” adlandırılır) qəsdən törətdiyi vandalizmi əks etdirir”, – deyə o bildirib.