Gürcüstanın Mtsxeta-Mtinate rayonunun Muxrani kəndindəki “Muxranis Savane” özəl qocalar evində yanğın baş verib. Nəticədə iki ahıl insan ölüb.
AzerTimes xəbər verir ki, yanğın nəticəsində ağır xəsarətlər alan daha iki yaşlı insan xəstəxanaya yerləşdirilib.
Qocalar evinin qalan sakinləri isə müvafiq müayinələrdən keçərək, başqa sığınacaqlara köçürülüblər və onlara bütün lazımi xidmətlər göstərilib.