İran məhkəməsi hazırda Tehranın Evin həbsxanasında saxlanılan güneyli hüquq müdafiəçisi Nərgiz Məhəmmədiyə qarşı son 6 ayda 5-ci dəfə olaraq yeni cinayət işi açıb.
AzerTimes xəbər verir ki, bu barədə N.Məhəmmədinin adına fəaliyyət göstərən sosial media kanalı məlumat yayıb.
Məlumata görə, ona qarşı sonuncu şikayət Təhlükəsizlik və Kəşfiyyat Nazirliyi (ETTELAAT) tərəfindən edilib.
Şikayətdə Nərgiz Məhəmmədinin Evin həbsxanasında siyasi fəaliyyətlərlə məşğul olduğu bildirilib.
“Ardıcıl cinayət işləri açmaq, təzyiq və təhdidlə məni susmağa məcbur edə bilməyəcəksiniz”, – Məhəmmədi həbsxanadan verdiyi bəyanatda bildirib.