ABŞ hökuməti 2003-cü ilin oktyabrından bəri ilk dəfə olaraq G5 geomaqnit qasırğası və Yerdən 17 dəfə böyük olan Günəş ləkələri barədə xəbərdarlıq edib.
AzerTimes xəbər verir ki, bu barədə Milli Okean və Atmosfer Administrasiyasının (NOAA) Kosmik Hava Proqnozları Mərkəzi (SWPC) məlumat yayıb.
Bildirilib ki, fırtına elektrik şəbəkələrinə, peyklərə və yüksək tezlikli radio rabitələrinə müdaxilə edə bilər. Günəş fəaliyyəti kosmosda hərəkət edən və nəticədə Yerə çatan enerjinin sərbəst buraxılmasını əhatə edir.
Vurğulanıb ki, ABŞ-ın kritik infrastruktur operatorları müvafiq bildiriş alıblar.
Qeyd edək ki, ötən gündən Yer kürəsində güclü maqnit qasırğası başlayıb.