ABŞ və Fransa Ermənistana müdafiə xidmətləri göstərməkdə olduqca fəaldır, onlar İrəvanı öz təsir orbitinə çəkir.
AzerTimes xəbər verir ki, bunu rusiyalı politoloq İqor Korotçenko deyib.
O, İrəvanın KTMT-yə qarşı ittihamlarını kənardan “təsir axını” kimi qiymətləndirib:
“Paşinyan AB və ABŞ ilə Qərbin təhlükəsizlik sisteminə inteqrasiya üçün yol xəritəsi imzalayıb. KTMT üzvlüyünün dondurulması Ermənistanın öhdəliklərinin yalnız bir hissəsidir. Bunun ardınca çox güman ki, Rusiya sərhədçiləri geri çəkiləcək və Gümrüdəki Rusiya hərbi bazası bağlanacaq, bunun müqabilində orada ya Fransa, ya da Amerika hərbi kontingenti yerləşdiriləcək. Bundan əlavə, Ermənistanda ABŞ Milli Təhlükəsizlik Agentliyinin elektron kəşfiyyat mərkəzinin açılması planlaşdırılır. Erebunidə Amerika Hərbi Hava Qüvvələri bazası peyda ola bilər. Kəşfiyyat xidmətləri ilə MKİ və Fransa xarici kəşfiyyatı arasında əməkdaşlıq fəal şəkildə inkişaf edir”.
Onun sözlərinə görə, Ermənistan Qərbə istiqamətini dəyişdiyini açıq şəkildə göstərib və indi yeganə sual onun KTMT-dən nə vaxt rəsmən ayrılacağıdır.