4-5 dekabr tarixlərində Polşanın Zabrze şəhərində qadın idman gimnastikası üzrə “Barborka Cup 2021” adlı beynəlxalq turnir keçirilib.
Azərbaycan Gimnastika Federasiyasından AzerTimes-a verilən məlumata görə, yarışda ölkəmizi Nazənin Teymurova, Məryəm Musayeva və Duyğu Məcidzadə təmsil edib.
Gənclər yaş qrupunda iştirak edən Nazəninin çıxışı uğurlu olub. O, çoxnövçülükdə hakimlərdən 48.665 xal alaraq, fəxri kürsünün 1-ci pilləsində qərarlaşıb.
Onun komanda yoldaşları Duyğu Məcidzadə və Məryəm Musayeva çoxnövçülük yarışında müvafiq olaraq 6 və 9-cu yerlərdə qərarlaşıblar.